|
De Welt is rein1) so sachen, as leeg se deep in Drom, man hört ni weenn noch lachen, se's lisen as en Bom. Se snackt2) man mank de Blaeder, as snack en Kind in Slap, dat sünd de Wegenleder vaer Köh un stille Schap. Nu liggt dat Dörp in Dunkeln, un Newel hangt dervaer, man hört man eben munkeln, as keem't vun Minschen her. Man hört dat Veh int Grasen, un allens is en Fred, sogar en schüchtern Hasen sleep mi vaer de Föt. Das wul de Himmelsfreden ahn3) Larm un Strit un Spott, dat is en Tid tum Beden - Hör mi, du frame4) Gott! |