Doer Busch un Brok1) to
snekeln,2)
mi in de Sünn to rekeln,3)
dat sünd min besten Toeg;4)
un mank5) de Blöm to
dangeln6)
un oppen Knüll7) to
rangeln8)
dat is min gröttste Hoeg.9)
Inn Krattbusch10) mank de
Böken
in Schatten liggn un
smöken11)
dat is min Husbedrif;
un lingelank bi'n Quellborn
to drüßeln12)
ünnern Sleedorn13)
dat quickt mi Seel un Lif.
Wa nett dat Water risselt,14)
wa sach de Bloeder pisselt,15)
wa rükt dat Holt so grön!
De Drossel fleit so nüdli,
ick reck mi so gemütli:
Wa is dat wunnerschön!
Un ward mi oppe Duer
dat Utraun gar so suer,
un geit de Sünn to
Beer:16)
So stopp ik noch en Broesel17)
un schumpel18) na min
Koesel19)
un denn - na denn ni mehr.
|
