Regenleed.

          Regen, Regen, drus',1)
wi sitt hier warm in Hus'!
De Vageln sitt in Bom to kurn,2)
de Köh, de stat an Wall to schurn:3)
Regen, Regen, drus',
wi sitt hier warm in Hus'!
 
Regen, Regen, rusch,4)
wa rükt dat ut den Busch!
De Blöm, de hangt so slapri5) dal,
de Böm, de röhrt de Blaed ni mal:
Regen, Regen, rusch,
wa rükt dat ut den Busch!
 
Regen, Regen, sus'6)
vun baben7) op uns Hus,
vunt Dack hendal in striken Strom8)
un lisen ut den Eschenbom:
Regen, Regen, sus'
vun baben op uns Hus.
 
Regen, Regen, rull,
bet alle Gröben vull!
Denn lat de Wulken aewergan,
lat de Sünn wedderkam';
Regen, Regen, rull,
bet alle Gröben vull!

  1. drus': riesele. Zurück
     
  2. kurn: kauern. Zurück
     
  3. schurn: Schutz suchen [in einem Schauer]. Zurück
     
  4. rusch: rausche. Zurück
     
  5. slapri: schläfrig; dal: nieder. Zurück
     
  6. sus': sause. Zurück
     
  7. baben: oben. Zurück
     
  8. in striken Strom: wie in Linien streichend, vgl. »es regnet Bindfaden«. Zurück