A gar kloans Diendl mit der Muatta
Hat in der Kirch' in Sunnta' 'bet't
Und is halt gwest so voller Andacht,
Als wann s' es glei' recht nöthi' hätt':
Dees hat der Muatta gar guat g'fall'n
Und nach der Kircha sagt s' dazua:
Du bist amol a recht a' frummi,
Du hast scho' 'bet't in aller Fruh',
Was hast jetzt' 'bet't, dees muaßt ma' sag'n,
Du Schatzerl du, so brav und nett,
Und 's Maderl sagt auf ihra Frag'n:
»Daß d' Kirch bald aus werd, hon i 'bet't.«