Juche! der Lanks is wieder kemma,
Vun Himmi singa d' Lercherln 'ra',
Der Muatter Gottes ihri Vögerln,
Die Schwalb'n aa' san wieder da.

Und auf die Berg is's schö' und aaba
Und wieder geht der Wasserfall,
Und Kerschn blüh'n und feini Bliemin,
Es is a Gartn überall.

O schöner Lanks, thaatst no' grad bleibn
Und gangst so gschwindi' nit davo',
Kaam aber kimmst, so gehst scho' wieder,
Ha sag', was habn s' dir ebba tho'?

Gej rupfa thien s' di', macha Sträußln,
Und Bliemin nimmt, wer grad oa' mag,
I' sag' dees ko'st halt du nit leidn
Und zürnst di' drüber alli Tag'.

Versteh' mi' recht, i nimm koa' Bliemi.
I' laß dir s' gern, blieb' grad bei mir,
Geh' bleib' bei mir a bisl länger,
I' dank' dir tausedmal dafür.