I' bin a' guater Kerl,
Wer giebt ma' was dafür?
's hat si' no' koaner g'rissn,
Da will koa Mensch 'was wissn,
Nit oana 'was vo' mir

Da hoaßt's, die guatn Menschn
San seltn auf der Welt,
Was nutzt mi denn dees seltn,
Wer laßt mi' d'rum 'was geltn,
Wer giebt mer an' Kreuzer Geld?!

Es san halt d' Leut' so sündhaft,
Daaß s' nit dees Guati mögn,
Wegn meiner, 'bi' gwest a' Perl,
Jetz' wer' i' a böser Kerl,
Bal's gschegn is, is's g'schegn

Na' werd's glei' anders pfeifa,
Bal' 's hoaßt, du dem trau' nit,
Der thuat koan' ebbes gunna,
Der Mensch ist nit verspunna,
Da kimm fei' aus damit.

'S is aber do' nix gwes'n,
I' will Enk sagn warum,
Nix g'lernt hat's g'habt die Perl,
Und für an' bös'n Kerl
Verstandn, war er z'dumm.