|
Deutsch woll' ma' sey', san's allwei' gwest,
Aber boarisch woll' mer aa bleibn
Und haltn an unsern Kini fest,
Dees soll uns Niem'd vertreibn.
Frei woll' ma' sey', und aber aa' treu,
Und lassn uns d'rum nit scheltn,
Wo koa' Glaabn und Treu, is's a' Lumperei,
»A' Mann a' Wort« muaß geltn.
Grad woll' ma' sey' und redli' und frumm,
Dees Erbthoal woll' ma' d'erhaltn
Und kehret si' aa' die ganz' Welt um,
In den Stuck laß' ma's bei'n Altn.
So is's bei'n uns in Boarnland
Und drüber woll' ma' wacha,
Und wem 's nit recht in sein' Verstand,
Dem woll' ma's scho' recht macha!
|