Mündlich. – W. M. v. d. Vor.
We mer von neia Toar reikummt und die ersta Gass' linker Hand naufgeaht, so kummt mer an a Reiha Heiser, und die heßa die Wörzborger es Krabattederfla. Wie die Schweda von die Kaiserlicha Saldata nausgejagt worn sen, warn aa a paar Kumpenie Krabatta debei. Und weil die Krabatta lauter Kerl warn, dena mer nit recht hat trau dörf, weil sie gern lange Finger gmacht ham, so hat sie ihr General mitenanner doa raus nei die klena Heisli eiquartiert. In dena Heisli ham grad ke Leit gewohnt, und weil di Krabatta nit in die Stadt nei gedörft ham, so hat mer di Heiser es Krabattaderfla gheßa, und so heßt's no heitzetag.