Mündlich. – Würzb. Mundart von J. Ruttor.
A alte Häckersfrau hat mer a Gschichtla von ihrn Vater derzehlt. Der is amol an en Nachmittag naus sein Wengert (Weinberg) ganga. Doa hat er an Weg a großa, graua Katz sitza gseha, und dia hat a prächtigs Kreasla (Krause) von teiera Brabanter Spitza an ihrn Hals oghat. Wie die Katz auf en zuakumma is und hat en gschmeichelt, hat er zu ehra gsagt: »Kätzla, du hast ja a schens Kreasla o.«
Auf emol hat die Katz ihre Auga so feieri gerollt, is aufgschwolla und fort gega die Waldskugel zua higebraust. Und glei dernach is so a arger Storm kumma und so a args Dunnerwetter, daß mer gement hat, der Jingsta Tag brechet o. Des war es Witenda Heer, denn in zeha (zehn) Minuta war wieder es schensta Wetter.