Mündlich. – Lauinger Mundart. Mit Abweichungen durch ganz Schwaben gangbar.
Nacher groaßa Viehseucha hat dr Bischof öll in Ba toa, die Vieh, aber vor ällä am strengsta die Roß stehla went, u zwoar habn s' öt in d' Kircha gau därfa u au öt beichta u öt speisa. Ein gar argar Roßdiab hätt nu währli geara mit andere ährliche Leut sein österli Beicht u Komiau gemacht, aber's Gwissa hot'm weganam Ba doch an Stüpfer geh, u er hat se öt traut.
Aberd' Schand hat r öt auf se hau möga, u so hot r am letzta Sonntig mitgmacht, u dös seini Spießgsella verzählt, u dia hant's itz älli Jaur au so gmacht, u wau oiner in Schwauba sei österlicha Christasach bis aufs letzt verschiabt, sätt ma zu am: »Du wörst gau au mit de Roßdiab speisa!«